रोशन दिप – हेटौडा – ४ नारायणी मलमा रहेको एनएस सिनेमा हलमा बहुप्रतिक्षित नेपाली मुवी ‘बेहुली फ्रम मेघौली’ दसैँको अवसर पारेर असोज १७ गते बिहिवार घटस्थापनाको दिनबाट रिलिज हुँदैछ । अग्रिम टिकट बुकिङ्ग एनएस सिनेमाजमा खुल्ला भइसकेको छ ।

ट्रेलरले दर्शकको मन लोभ्याउँदै थप प्रतीक्षित बनाएको मुवी हो । छोरीको उमेर बढ्दै जाँदा विवाह गर्न हुने सकस, विवाह गर्ने उमेर भएको युवतीले भोग्नु पर्ने पारिवारीक र समाजीक दबाब रमाइलो तरिकाले देखाउन खोजिएको छ ।

सोजी युवतीलाई प्रेम जालमा फसाइ ठग्न खोज्ने फ्रड युवक, विवाहका विषयमा चलेको नेपाली समाजको परम्परागत शोच र मान्यतालाई व्यंग्य गर्न खोज्दै रमाइला संवाद प्रयोग गरिएको ट्रेलरले दर्शकको मन जितेको छ ।

मुख्य भूमिकामा स्वस्तिमा खड्का र निश्चल बस्नेत छन् भने निर्माण पनि स्वस्तिमा र निश्चलले नै गरेका हुन् । स्वस्तीमाले यो फिल्मबाट निमातामा डेब्यू गरेकी छिन् । मनोरञ्जनसँगै बलियो सामाजिक म्यासेज दिने प्रयास गरिएको देखिन्छ ।

निश्चल बस्नेत र स्वस्तिमा खड्कासँगै बसुन्धरा भुषाल, विजय बराल, सिमरन खड्का, लोकेन्द्र लेखक, रक्षा थापा, सिरु बिष्ट, आमिर गौतम, शिशिर सिवाकोटी, टीका पहारी, प्रभाकर शर्मा, लुनिभा तुलाधर, मुकुन्द मैनाली र रामबाबु रेग्मीको अभिनय रहेको छ ।

ब्ल्याक हर्स पिक्चर्स र मेघौली फिल्मस्को ब्यानरमा निर्माण भएको मुवीको सजन काफ्ले र आकाश बरालले मिलेर लेखन तथा निर्देशन गरेका हुन् भने यो मुवीमा उनीहरूको निर्देशकीय डेब्यू हो ।

मुवीका कार्यकारी निर्माता फिरोज खड्का र शंकर पाण्डे हुन् भने विजय बराल कास्टिङ डिरेक्टर नरेन्द्र मैनालीको छायांकन, प्रदीप लामा र केवीका खत्रीको कोरियोग्रफी, जयन जे वाइवा र कुशल पोखरेलको संगीत, निमेष श्रेष्ठको सम्पादन, घनश्याम श्रेष्ठको प्रोडक्सन डिजाइन, केशव पाण्डे र लक्ष्मण पाण्डेको स्टील फोटोग्राफी छ ।

टिकट लिनको लागि एन एस सिनेमा हलको चौथो तल्लामा रहेको काउन्टरमा जानसक्नु हुने छ । हलको संपर्क नम्बर ०५७-५२०९४९ मा अग्रिम बुकिङ्ग गर्न सकिने एनएस सिनेमा हलका संयोजक माधव रिमालले बताए ।