हेटौंडा । पूर्वी मकवानपुरको बागमती गाउँपालिकामा यही बिहीबारबाट सुरु हुन लागेको आठौं संस्करणको बागमती गोल्डकप फुटबल प्रतियोगिताको खेलतालिका सार्वजानिक गरिएको छ । मंगलबार बागमती वडा नम्बर–४,स्थित झुरझुरेको खेल मैदानमा आयोजित पत्रकार सम्मेलनमार्फत आयोजकले प्रतियोगिताको खेलतालिका सार्वजानिक गरिएको हो । प्रतियोगिताको उद्धाटन खेलमा सर्लाही जिल्लाको बागमती नगरपालिकाको बागमती युथ क्लब र आयोजक बागमती गाउँपालिकाले एक अर्काको सामना गर्नेछन् । खेल दिउँसो ३ बजेबाट सुरु हुने अयोजकले जनाएको छ ।
प्रतियोगितामा १० वटा टिमहरु त्रिभुवन आर्मी क्लब काठमाडौं, बाराको नव जनजागृती क्लब, विभागीय सशस्त्र प्रहरी बलको एपीएफ, चित्लाङ एफसी, ललितपुरको चर्च ब्वाइजल, ललितपुरको फ्रेन्ड्स क्लब र प्लानिङ ब्वाइज युनाइटेडको सहभागिता रहेको छ । प्रतियोगिताको सेमिफाइनल खेल २३ गते र २४ गते हुनेछ भने फाइनल खेल बैशाख २६ गते हुनेछ ।
प्रतियोगिताको उपाधि विजेता र उपविजेता टिमले १० लाख रुपैयाँ र ५ लाख रुपैयाँसहित शिल्ड,मेडल तथा प्रमाणपत्र प्राप्त गर्नेछन् । प्रतियोगिताको सर्वोत्कृष्ट खेलाडीले १ लाख १ हजार रुपैयाँ, विधागत उत्कृष्टहरुले २५–२५ हजार र प्रत्येक खेलको म्यान अफ द म्याच हुने खेलाडीले १०–१० हजार प्राप्त गर्नेछन् । सातौं संस्करणको प्रतियोगिताको उपाधि चर्च ब्वाइजले जितेको थियो ।
प्रतिक्रिया दिनुहोस्