हेटौंडा ।  जिल्ला प्रहरी कार्यालय पर्साको विशेष टोलीले १० केजी बराबरको लागुऔषध जस्तो देखिने पदार्थसहित एक व्यक्तिलाई पक्राउ गरेको छ। वीरगञ्ज महानगरपालिका–४, प्रताप चौक नजिकै शंकास्पद रूपमा हिँडिरहेका व्यक्तिलाई रोकजाँच गर्दा उक्त पदार्थ फेला परेको प्रहरीको भनाइ छ ।

प्रहरीका अनुसार पक्राउ परेका व्यक्ति धोकिबनी गाउँपालिका–५ निवासी ४८ वर्षीय पुरुष हुन् ।  उनले प्लास्टिकमा बेरिएको अवस्थामा पदार्थ बोकेको पाइएपछि टोलीले तत्काल नियन्त्रणमा लिई तलासी गरेको थियो ।

जिल्ला प्रहरी कार्यालय पर्साका प्रवक्ता तथा सूचना अधिकारी प्रहरी नायब उपरीक्षक राजु कार्कीका अनुसार प्रारम्भिक अनुसन्धानमा उक्त पदार्थ अवैध रुपमा ओसारपसार गर्न खोजिएको देखिएको छ । प्रहरीले बरामद सामग्री परीक्षणका लागि पठाइएकाे र घटनाबारे थप अनुसन्धान जारी रहेको जनाएको छ । पक्राउ परेका व्यक्तिमाथि लागुऔषधसम्बन्धी मुद्दा दर्ता गरी आवश्यक कानुनी प्रक्रिया अघि बढाइने प्रहरीले जनाएको छ।

रातो समाचार संवाददाता
थप जानकारी