आइतबार भएको प्रतिनिधि सभा तथा प्रदेश सभा निर्वाचन मकवानपुरमा शान्तिपूर्ण वातावरणमा सम्पन्न भएको छ । आइतबार विहान ७ बजेबाट सुरु भएको मतदान कार्य साँझ ५ बजे सम्म भएको हो।
मकवानपुरमा प्रदेशसभा तथा प्रतिनिधिसभा निर्वाचनमा नाम चलेका नेताहरुले आफ्नो जित सुनिश्चित रहेको बताउँदै आएका छन् ।
जिल्लामा ३ लाख ७ हजार ३३ जना मतदाता छन् ।
जसमा १ लाख ५३ हजार ५२८ पुरुष, १ लाख ४७ हजार २ सय महिला र अन्य ५ जना गरी तीन लाख ७३३ मतदाता सहभागी हुन लागेका बताइएकोे हो ।
१ नम्बर क्षेत्रको १ क मा ७७ हजार ९८९ जना र ख मा ७२ हजार १६६ जना मतदाता र २ को क मा ८३ हजार ०९९ जना र ख ६७ हजार ४७९ जना मतदाता रहेका छन् ।
दुई निर्वाचन क्षेत्रमा एक लाख ७८ हजार २८२ जनाले मतदान गरेका छन् । जसमा ९२ हजार ८७७, पुरुष ८५ हजार ४सय जना र अन्य ५ जना गरी एक लाख ७८ हजार २८२ जनाले मतदान गरेको मुख्य निर्वाचन अधिकृत ऋषिराम निरौलाले बताएका छन् ।
मकवानपुरमा ६० प्रतिशत मात्रै मत खसेको बताए ।
मतगणना भने सोमबार विहान सर्वदलीय बैठक बसी मतगणना सुरु गरिने मुख्य निर्वाचन अधिकृत निरौलाले बताएका हुन् ।
प्रतिक्रिया दिनुहोस्