नेपाल सरकारले नेपाल प्रहरीको प्रमुखमा प्रहरी अतिरिक्त महानिरीक्षक एआईजी वसन्तबहादुर कुँवरलाई नियुक्त गरेको छ ।

शुक्रबार बसेको मन्त्रिपरिषद् बैठकले कुँवरलाई महानिरीक्षकमा बढुवा गर्ने निर्णय गरेको हो । आईजीपी बढुवामा कुँवरसहित एआईजी टेकप्रसाद राई, दीपक थापा, श्यामलाल ज्ञवाली र किरण बज्राचार्य प्रतिष्पर्धामा रहेका थिए भने सरकारले वरियता क्रममा १ नम्बरमा रहेका वसन्तबहादुर कुँवरलाई महानिरीक्षकमा बढुवा गर्ने निर्णय गरेको हो ।

हालको ३० वर्षे सेवा अवधि कायमै रहेमा उनले एक वर्ष प्रहरीको नेतृत्व सम्हाल्नेछन् । महानिरीक्षक धिरजप्रताप सिंह चैत १० गते आज राति १२ बजेदेखि ३० वर्षे प्रहरी सेवाको उमेरहदका कारण अनिवार्य अवकाशमा जाँदै छन् ।