रोशन दिप – विश्वभरी फैलिएको कोभिड ओमिक्रोन भेरियन्टको संक्रमण नियन्त्रणका लागि बन्द गरिएको सिनेमा हल फागुन २ गते सुचारु हुने भएको छ ।
हेटौँडा ४ मा रहेको एनएस सिनेमा हलमा साउथको हिन्दी डब चलचित्र ‘पुष्पा’ र हलिउड चलचित्र ‘स्पाइडर म्यानः नो वे होम’ सिरिज प्रर्दशन पछि बक्स अफिसमा हलचल मच्चाएको अवस्थामा बन्द गरिएको सिनेमाहल पनि सुचारु हुने भएको हो ।
सोही क्रममा साउथको चर्चित कलाकार रवि तेजाद्धारा अभिनित हिन्दी डब चलचित्र ‘खेलाडी’ प्रर्दशन गर्दै फागुन २ गते सोमबार देखि हल सुचारु गर्न लागिएको हल संयोजक किशोर राज पौडेलले बताए ।
चलचित्रलाई शानदार २ वटा पर्दमा हेर्न पाइने र एनएस सिनेमा हलको संपर्क नम्बर –057-524718मा अग्रिम बुकिङ्ग गर्न सकिने हल संयोजक किशोरराज पौडेलले बताए ।
स्वास्थ्य तथा जनसंख्या मन्त्रालयले कोभिड–१९ को नयाँ ओमिक्रोन भेरियन्ट फैलिन नदिन सतर्कताका अपनाउन भनेपछि जिल्ला प्रशासनको निर्देशनमा माघ ३ गते देखि एनएस सिनेमा हल बन्द गरिएको थियो ।
प्रतिक्रिया दिनुहोस्