नेपालको संसदबाट एमसिसी पारित गराउन अमेरिकाले धेरै वर्ष मिहिनेत गर्नु परेको बताउँदै उनले अमेरिकाले नेपालमा कथित स्वतन्त्र पार्टीमार्फत् आफ्नो रणनीति परिचालन गर्न खोजिरहेको बताए। ‘अमेरिकाले नेपाली काँग्रेसलाई पनि उपयोग गर्ने प्रयत्न गरेको छ। सिआइएको भ्रमपूर्ण सञ्चार सञ्जालले जनतालाई भ्रममा राखेको छ’– उनले भने।
नेपाल कम्युनिष्ट पार्टी (मसाल)ले उसको वैधानिक मोर्चा राष्ट्रिय जनमोर्चामार्फत् चितवन २ को उपनिर्वाचनमा गिलास चिह्न लिएर आफ्ना उम्मेदवार खडा गरेको छ। चुनावमा भाग लिनुको कारण प्रष्ट पार्दै महामन्त्री सिंहले भने, ‘हामीले अमेरिकी साम्राज्यवादविरुद्धको संघर्षका रुपमा यो उपचुनावलाई लिएका छौ। हामीले चुनावको उपयोगमात्र होइन, अमेरिकी साम्राज्यवादविरुद्ध संघर्ष पनि गरिरहेका छौँ।’
नेपालमाथि अमेरिकी दबाव बढ्दै जाँदा देशमा शान्ति खल्बलिने खतरा बढेर गएको उनको बुझाई छ। प्रतिगमनको खतरा बढेको उनको विश्लेषण छ। ‘अमेरिकाको साम्राज्यवादी नीतिविरुद्ध देशव्यापी संघर्ष गरिरहेका छौँ’ महामन्त्री सिंहले भने, ‘अमेरिकाविरुद्ध हामी एक्लै सफल हुन सक्दैनौँ। त्यसैले यो संघर्षलाई विश्वव्यापी बनाउन पहल गरिरहेका छौँ।’वर्तमान सरकारलाई आफूहरुले समर्थन गरे पनि त्यो पूर्ण समर्थन नरहेको उनको भनाइ थियो।
नागरिक न्युजबाट साभार गरिएको हो ।
प्रतिक्रिया दिनुहोस्