रोशन दिप – भदौ २८ गते भोली हुने निर्माण व्यवसायी संघ मकवानपुरको निर्वाचनमा निर्माण व्यवसायी साहस गोपालीले आफ्नो सदस्य पदका लागि उम्मेदवारी घोषणा गरेका छन् ।
हेटौडा उपमहानगरपालिका वडा नं ४ स्थित बिएल कन्स्ट्रक्सनका प्रोप्राइटर समेत रहेका गोपालीले निर्माण व्यवसायीको हकहित र सम्मानको संरक्षणसँगै संघलाई पारदर्शी, जिम्मेवारी र व्यवसायीमैत्री बनाउने उद्देश्यले आफ्नो उम्मेदवारी घोषणा गरेको जानकारी गराए।
निर्माण व्यवसायमा निकै लामो समय देखि सक्रिय रहेका उनले मकवानपुरको निर्वाचनमा युवा पुस्ताको प्रतिनिधित्व गदै उम्मेदवारी घोषणा गरेका हुन भने सीप, तालिम र आधुनिक प्रविधिमार्फ व्यवसायीक क्षमता विकास गराइ साना तथा ठूला निर्माण व्यवसायीबीच एकता र सहकार्य गराउने उनको एजेण्डाले पनि अहिले सबैतिर चर्चा पाइरहेको छ।
निर्माणको क्षेत्रमा पनि युवा पुस्ताको सहभागीता बढे सँगै परिवर्तन भएको समयको माग अनुसार काम गर्नुपर्ने चुनौती थपिएकोले आफू निर्वाचित भएमा संघलाई पारदर्शी, जिम्मेवारी र व्यवसायी मैत्री तथा गुणस्तरीय दिगो र व्यवस्थित निर्माण क्षेत्रको विकास गर्न सक्ने कुरामा जोड दिने प्रतिबद्धता व्यक्त गरेका छन्। आफ्ना एजेन्डालाई मुख्य प्राथमिकतामा राखेका गोपालीले आगामी भदौ २८ गते हुने निर्वाचनमा आफूलाई मतदान गरी विजयी गराउन सबै निर्माण व्यवसायीहरूसँग आग्रह गरेका छन्।
प्रतिक्रिया दिनुहोस्