काभ्रेको पनौती नगरपालिकाले सैनिक प्रतिष्ठान सञ्चालनका लागि नेपाली सेनालाई २ हजार ५ सय रोपनी जग्गा दिन स्वीकृति दिएको छ । नगरपालिकाले वडा नं १ मा रहेको इन्द्रेश्वर थाल्पु सामुदायिक वन क्षेत्रको जग्गा दिने निर्णय गरेको हो । ८ र ९ नगरपालिकाका वरिष्ठ प्रशासकीय अधिकृत तथा सूचना अधिकारी इन्द्रप्रसाद अधिकारीले जानकारी दिए । नेपाली सेनाको कालीजुङ गणबाट आएको अनुरोधका आधारमा साउन १४ गते बसेको नगर कार्यपालिकाको बैठकले यस्तो निर्णय गरेको उनले बताए । यस्तै निर्णय कार्यान्वयन गर्न नगरपालिकाबाट थप प्रक्रिया अघि बढाइएको छ । यसका लागि नगरपालिकाको निर्णयसहितको कागजपत्र जिल्ला प्रशासन कार्यालयलाई जग्गा एन.ए.लाई दिने थप निर्णयका लागि पठाइएको छ । नगरपालिकाले जग्गा उपलब्ध गराउने निर्णयबारे कालिजुङ गणलाई पत्र समेत दिएको छ । प्रक्रियाको आधारमा, DAO ले डिभिजन वन कार्यालय र स्थानीय सामुदायिक वन उपभोक्ता समितिसँग परामर्श गर्नुपर्छ र विस्तृत परियोजना प्रतिवेदन (DPR) सहित वन मन्त्रालयमा जानुपर्छ। ‘नगरपालिकाको निर्णय आइसकेको छ, सरोकारवालासँग छलफल गरी वन मन्त्रालयसँग थप समन्वय गर्नेछौँ,’ प्रमुख जिल्ला अधिकारी हुमकला पाण्डेले भनिन् । —रासस
प्रतिक्रिया दिनुहोस्