मकवानपुर प्रहरीले १६० किलो लागुऔषध गाँजा सहित १ जनालाई पक्राउ गरेको छ ।
मकवानपुरको भिमफेदी गाँउपालिका वडा नम्बर ०२ भैंसे चेक प्वाईन्ट स्थित सडकखण्डमा गोरखा जिल्ला भिमसेन गाँउपालिका वडा नम्बर ०६ बस्ने वर्ष २८ को अमिर मियाँलाई बुधाबार अप्रान्हको करिब ३ः४५ मा प्रहरीले पक्राउ गरेको हो ।

प्रहरीले दिएको जानजकारी अनुसार पालुङ्बाट हेटौडातर्फ आउदै गरेको प्रदेश नं.३-०१-०२३ च ८०४७ नम्बरको बोलेरो गाडीलाई चेकजाँच गर्ने क्रममा गाडीको पछाडी ढालाको भागमा खाली क्रेट मुनी लुकाई ल्याईएको अवस्थामा १६० किलो लागूऔषध गाँजा फेला परेको हो ।

सोही क्रममा लागूऔषध, बोलेरो गाडी सहित मियाँलाई नियन्त्रणमा लिइ मकवानपुर जिल्ला अदालत हेटौडाबाट ४ दिनको म्याद अनुमती लिई थप अनुसन्धान भईरहेको छ।